مش هقول فات الميعاد
ولا هاقول كل اللي بينا
أصبح صندوق ذكريات
مش هاقول مين اشتري
مين اللي باع
ومين فينا قدر
علي حكم القدر
لما كتب علينا الوداع
زمان لما كنت بشتاقك
أجري بسرعه واذوق
توصفك احلي حروفي
تتكحل بيك تتذوق
احسك ضي جوايا
كل مشاعري تتشوق
اقولك سر جوايا
أنا منفعش من غيرك
حتي حروفي بهتانه
ناقصه والله من غيرك
داري زي ماتحبي
شوقك اللي متخبي
باين والله في عيونك
في كلامك
ولما تهربي بالنوم
بيبقي هو احلامك
ولما تتشوقي اكتر
تناديني
تحت رمشك الساحر
تغطيني
وفي لحظه بعد الغربه
جواك بسرعه تحسيني
تلاقيني
يداعبني كل ما فيك
يجري الدم في عروقي
يرجع النبض لحروفي
وشراييني
الخلاصه وبامانه
الرب واحد
والعمرواحد
والعشق الحقيقي أصله واحد
يمكن نقرب
او نغرب
يمكن نحس بمشاعر
وفي عز الفرحه تهرب
يمكن ويمكن
بس الاكيد
مااحلي شعورك
لماتحسي
ما اروع حروفي
لماتوصفك
واروعهاساعة ما تكتب
احمدعبدالحق
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.