٪٪٪٪٪٪٪٪ شعاع نور ٪٪٪٪٪٪٪
ومهما يطول الليل
وظلامه بينا يدور
والوحده سجن وويل
والجرح كاس مشهور
ومهما يكون الدمع
فياض يعدي بحور
ومهما يغيب الفرح
و بينا وبينه الف سور
وحتي لو مر بينا الزمن
هنعدي بالحياه اي جسور
بالحلم تشرق شمسنا
وهيظهرلنا شعاع النور
بالامل نبني حياة لينا
مش هكون بين الاحزان محصور
بالحب تحيا قلوبنا
والروح تقوي تبني قصور
ندفن الاوجاع والالم
بايدينا نخفي الظلام بالنور
بايدينا نمسح دموعنا
ويطيب الوجع ونجبر الكسور
وسط الحياه هنعيش
نخلق الف طاقه نور
وقلوبنا تملا السماء تغريد
وتملك الكون حره زاي الطيور
ومهما طال بينا الظلام
هنحلم بشعاع النور
٪٪٪٪ شعاع نور ٪٪٪٪٪ بقلمي محمد رمضان ..... ٢٤/١١/٢٠١٩
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.