(أصحاب واحباب) كلمات/صبري حسين
بحب الفيس
لاني وجد في متنفس
جواه عن نفسي بعبر
بنشر كل كلامي
اعبر عن افكاري
بتفاعل مع اصدقائي واصحابي
قبل الفيس
كنت بكتب لنفسي
مفيش حد يعرفني
ولا حد سامع صوتي
الفيس عرفني
على احلى اصدقاء
فتح لي كل الابواب
بنشر في جروب ومجلة
اتعرفت على زملاء واستاذة
بحب الفيس
كنت بدخله بلهفة
عشان اقابل الاحبة
نتنقاش
نتكلم
من بعض نتعلم
في جروب اقرا فكرة
في غيره اضحك على نكتة
دي مجلة لأجمل شعر ناشرة
ودي ناشرة قصة
وغيرها عاملة مسابقة
نشاط وحيوية
دايما كنت بدخله بفرحة
لكن بصراحة من فترة
حاسس ان النفوس اتغيرت
اغلب المنشورات بتدعو للفرقة
تلقيح وشتيمة
الكل كاتب مقصودة موجهة
المصيبة الكبيرة
اننا وصلنا لقذف المحصنة
بقينا أستاذة في مسك السيرة
نسينا كل الأشياء الجميلة
القبح بقى عنوانا
الظلم دستورنا
نسينا كل اللي كان بينا
نفسي نهدي انفسنا
كل واحد يشغل باله بحاله
يبص لنفسه
احنا كلنا بشر مش ملايكة
بلاش نعمل نفسنا قضاه
الحياة مش مستاهلة
والله الدنيا فانية
الباقية الحياة الاخرة
يا أهل القلوب النقية
يا أصحاب النفوس السوية
هانكسب ايه من الفضيحة
ياريت نعمل لنا قفلة
بلاش تلقيح
كفاية تجريح
تعالوا نقفل أبواب الاحزان
تعالوا نقتل البهتان
عايزين نعلي قيم الانسان
نعمل بتعاليم الاديان
نتحلي بالصفح والغفران
نتعامل بحب وحنان
نبعد عن سكة الشيطان
نرجع تاني لطريق الرحمن
كفاية لف ودوران
بلاش تلقيح
بلاش تجريح
ارجع اكتب في الفن في الادب
يارب كلنا نتحلي بالادب
يارب نظف لنا القلوب
واستر عنا العيوب
ارشدنا لطريق الصواب
افتح لنا كل الأبواب
رجعنا لبعض اهل واصحاب
من غير لوم ولا عتاب
صبري حسين
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.