.... علمونا ف الصعيد ....
بقلم الشاعر / محمود أبو الفضل
..................
علمونا ف الصعيد
كل حاجه ليها قيمة....
علمونا المرجله
والقلوب تكون سليمه
.....
يا اللي لابس عمتي
كدها ولا انت فااافي...؟؟
شربت من كأس الرجالة
وعمتي شيلاها راسي
......
عيب يا ولدي تكون كبير
وتحط نفسك جوه بير
والبير كبير ملهوش قرار....
.....
الكبير الناس تحبه
مش بجسمه ولا سنه
ومش كل حاجه بالهزار
......
القواعد والاصول..
خليك حفظها عرض طول
وألزم يا واااد ادب الحوار
.....
عندي ليك عالدكه عمة
لو نسيت اصلك يا غالي
تعالي البسها قبل العار
......
الجدود حفظوا الحدود
وعلمونا نكون رجااال
ونفرق بين الجد والهزار
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.