الدنيا قلابه
......................
صحيح الدنيا قلاااابه
ناصبه في سيرك جوانا
بتيدي كل لعبه فلان
تبيت نصنا حزاااانا ..
تعلي في ثانيه لو عايزه
وتيدي حرامي 100 جايزه
تشعلق غيرنا فى الأوهام
يشدوا والحبال دايبه
.... صحيح الدنيا قلابه
قولنا نطاطي ونهدي
ونرسا لبر ونعدي
سابيتنا في المرار ننداس
لأبعد شط وتودي
خيوط اللعبه في أيديها
تحرك فينا تلغيها
تخسر لو تكون كسبان
تلف تدور تاني تجيها
... صحيح الدنيا قلابه
تزغلل عينا بورودها
وتخلف ناكره في وعودها
تنقي لتأكل الغلبان
وتسقي الشهد موعودها
بتحرم ليل في عشاقه
تقرب ما اللي له باعوا
ناسيه ده القدر مكتوب
ونبض القلب مش طوعها
بتفرش ورد مع حنه
بتلعب بينا تشاغيلنا
وتقلب لونها عكس الحال
وترجع تاني تقاسيمنا
.... صحيح الدنيا قلابه
بقلم .. صبري رسلان
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.