ما تنغشّي بقلم الشاعر عدنان خليفة

ما تنغشّي

ما تشوفيني شايف حالي

برمت الدنيه و إنتي ببالي

لا تقولي إنّي مبسوط

و تروح ظنونِك عالعالي

من برّا هالله هالله

و من جوّه يعلم الله

ما تشوفي شكلي تمام

حجارة قلبي ما مهدّايه

حبّيتِك و لعبتي فيّي

وياما تضحكتي عليّي

كلّما جرّب أهرب منِّك

برجَع بغطس لَ دينيّي

لا تقسي عليي و تنغشّي

روحي بلاكي مثل القشّة

حسابات الحقلة ما ظبطت

عا بيدر الحبّ الصعبة

ما تشوفيني و لا تلوميني

ولا تتطلّعي بعيوني

انا بحبِّك صرت معتّر

و مشرحط بِعَتم ظنوني

الله هو العالِم فيّي

و حا يخلّيكي تحنّي عليّي

لح ابقى عا حبِّك صابِر

إحلم نعيش بحنّيّة

عدنان خليفة 2017