(بين الحاضروالماضي)29/12/2017
فين ايامك ياسيدي سليمان
ابلادي زينة البلدان
قرية دار بالعامري قديمة من ازمان
اقبل ماتياسس سيدي سليمان
واد بهت اقديم كان احسن الويدان
جف انشف في هدا الزمان
معمل شودصولاي النصراني ابيار انتوان
طاحونات معمل السكر سيدي سليمان
تأسس في ثلاثة وستين
غلقوه اخر هدا السنين
اشحال تازم مسكين
نروي الحكاية شدني ليها الحنين
اهجرتها مدة واسنين
مابقا مايعجب
ابقا التقواس تخراج العينين
قبيلتي قبيلة ارجال
مايهمها لاجاه ولا مال
خليني من هادوك ادلال
ابلادي
بلاد الجود والكرم
مرحبا بالضيف البعيد والقريب
انخسرو لفي الجيب
ايجيب الله مافي الغيب
أهلنا اهل السلم
انصبرو للظلم
الشكوى للعالي يحكم
مافي الهم غير لفاهم
كلها باغية تحكم
زادونا هم على هم
كنا ناشطين
طيحو علينا الضيم
هادوك المرشحين
بيناتهم امطايفين
اشكون الرايس
اشكون الخليفة اشكون الامين
اتلگاو غير المخلوضين
على من تشكي
لمن تبكي
الشكوى لربي
نتكلم على ابلادي ضرني خاطري
المواطن بلا اشغل امعمر القهاوي
منهم امرايقية ادراري
اگران هادو ضيعو ابلادي
فرقت بين الماضي والحاضر
قلة الخدمة في القهوة عاصر
باز ليه عندو الخاطر.
مأزم ماقدر يهاجر
يتسنا ساعتو يتسنى القبر
ماسخا بالبلاد مواطن حر
صابر امكابر
قالب وجهو عاطي بظهر
اشكون سول عليه التقهر
ماشي ابحال هدك لمقزدر.
يضحك بوجه احمر
ماتعرفو ولد موكة
ولا ولدوالطير الحر
فيه الصدق فيه الغدر
عليهم كنحكي كنعبر
فينك يامك ياسيدي سليمان
فين الشمندر فين الليمون
فين الكرموس فين الزيتون
فين الخيل
فين النحل
فين العزيب
شوف لغنم اتصاحبت مع الديب
الله يصلح البلاد
الله يصلح العباد..
بقلمي محمدالبراقي الحسناوي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.