(( أنا زعلتك ف إيه ))بقلم الشاعر الغنائى .. محمد البريمى ..

 شعر غنائى ..

(( أنا زعلتك ف إيه ))

أنا زعلتك ف إيه .. عشان تخاصمنى و م تكلمنيش ..

طاب تعالى و عاتبنى .. بس م تسبنيش ..

أنا عارف قلبك كبير .. بيساعى حبايب كتير ..

و إنت بتسامح كتير .. و الدنيا عندك م تساوش ..

أنا زعلتك ف إيه ..

أكلمك ما تردش السلام .. أندهلك تطير زى الحمام ..

كأننا عن بعض أغراب .. ولا فيش بينا شوق و هيام ..

قولى جرالك إيه .. واخد على خاطرك ليه ..

ونا مش حمل جفا .. ولا حمل خصام ..

أنا زعلتلك ف إيه ..

غلطه و مش هتعود .. و سامحنى المره دى ..

أنا عديت حدودى .. و دا شئ مش عادى ..

ونا من عشمى فيك .. بأدلع عليك ..

منتا حبيبى و أكتر .. و لازم أراعيك ..

أنا زعلتلك ف إيه ..

تعالى و قولى بحبك .. بينلى الإخلاص ..

بس ياريت من قلبك .. بضمير و إحساس ..

و خلينى جنبك خلينى .. شبعنى حنان و إدينى ..

أنا توبت و مش أغلط تانى .. أوعدك يا حبيبى خلاص ..

أنا زعلتك ف إيه ..

بقلم الشاعر الغنائى ..

محمد البريمى ..