: ( أجمل ما فيكي ) بقلمي الشاعر جمال زكي عينر

 ( أجمل ما فيكي ) :

اجمل مافيكي يا حلوه .. إنك

سايقة الدلال وده ليه ؟ .. لانك

عارفة جمالك ما وصفشي

كل البنات بيغيروا منك

الرمش فوق العين دباح

اما الخدود زي التفاح

والوسط لايق على عودك

العين تبص عليكي ترتاح

اجمل ما فيكي انك عايقه

والضحكه جوه عينيكي رايقه

الله اكبر بسم الله

الكحله فى عيونك لايقه

الخطوه بتهز الدنيا

محسوبة دايما بالثانيه

ولما بتهلي عليا

النظرة منك حاجه تانيه

واجمل ما فيكي ان كلامك

وبسمتك ويا سلامك

زي النسيم لما يعدي

طاير يسابق ايامك

اجمل ما فيكي كتير وكتير

مالوهش حصر مالوش تفسير

والوقت بيمر معاكي

نسمة هوا في السما بتطير

بقلمي الشاعر جمال زكي عينر

عرض الرؤى

معدل وصول المنشور: ٦٤

٢٢

تعليقان

أعجبني

تعليق