(( فات الميعاد )) نبيل عبد الحليم

 ((فات الميعاد))

لسه جاي وعايزني أضحي

كنت فين من زمان

طفيت شموعي وقتلت فرحي

القسا دا مش كلام

كلك قسا وعايزني نمحي

عمر فات. حب مات

قول سلام

سنين وطال فيها شرحي

وكل وقتي لك ملام

إنت جيت قصدت نصحي

ولا جاي تزيد ألأم

لسه صاحي نزف جرحي

مدبوح بسكين الغرام

قولي ليه إستحل ذبحي

دا الدبح فى الميت حرام

قربك خساره فقدت ربحي

ولسه ناقصني علام

للشروق ظننت منحي

جاني الغروب بالظلام

مات الأمل وكسرت رمحي

مفيش جدال خلص الكلام

إللي باقي مني كلمه

قول على الحب السلام

بقلمي

نبيل عبد الحليم

ابو حمص فى

28/12/2020

عرض الرؤى

معدل وصول المنشور: ٥٤

٤Tgred Ahmad، دنيا سعد وشخصان آخران

١٠ تعليقات

أعجبني

تعليق