طل الربيع .... شعر غنائي جرجس لفلوف

 طل الربيع..........شعر غنائي

طل الربيع وزقزق العصفور

وما ضل غيم بسما ضيعتنا

ورفرفت متل النسيم قلوبنا

ونام الحلم خلف هاك السور

وارتفعت الرايات عمطل حقلتنا

وعطراف هاك الحي زغرد التنور

وصار الخبز جاهز جوات شنتتنا

وجن الفرح ببساتين ديرتنا

ورشت صبايا الحي هالمنتور

ودبكت بعرس الربيع شلتنا

قومي ارقصي ياحلوتي بهالنور

ولا تتركي ظلمة الأيام تمقتنا

انت حلا انت صلا وريحة البخور

والكل يعرف طول وعمر رفقتنا

انت وانا معمدين بجرن بلور

منضل اخوي مهما الزمن فرقنا

طل الربيع وتكتك العصفور

وعشعش النور ببيوت ضيعتنا

ما اجمل الربيع بهالحلا المنظور

انشالله المحبة والسعادة والحبور

وورد الربيع والزهور

بتضل تاج يكلل هامات الوطن وروس شلتنا

جرجس لفلوف سورية

عرض الرؤى

معدل وصول المنشور: ٣١

٤دنيا سعد، فهدالصحراء الجرئ وشخصان آخران

٥ تعليقات

أعجبني

تعليق