نجمة بتشتكى
....................
نجمة سهرانة ليلها
واقفة بعيدة وحدها
روحت لها اشتكيلها
لقيتها بتشتكى جرحها
شفت فعنيها الدموع
بصوت مليان خضوع
خافت مش مسموع
اتارى المخدوع قلبها
عشت حياتى مخلصة
أنا و قلبى ووجدانى
بقريى منه متونسة
وعيون كتير حسدانى
كنت طايرة ف سمايا
وحدى وحبيبى معايا
نجمة كانت ورايا
عايزة اوصل قبلها
شكوتها من شكوتى
وحيرتى كانت زيها
من حنينها ولهفتى
بكيت على دمعها
التنهيد كان أهات
كلام توصفه النبرات
يسقيها المر كاسات
بيزيد مرارة صبرها
......
بقلم الشاعر
الأمير _محمود
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.