الكل غافل
************
من صغر سنك ياولد
غاوي الجراح غاوي البلد ( البلاده )
غاوي تكلم ف الجماد
وتقوله حرر ... البلد
وتقوله أرفع العلم
وزيح قوام كل الألم
لكن علي رأي المثل
امتي الصنم كان له كلام
افضل محلك يا بجم
وكل يوم ادي التمام
وقول انا غاوي السلام
عمر السلام ما كان سكوت
يا تعيشها صح يا تموت تموت
ما بقيتش تفرق يا ولد
زاد الألم .... او راح يفوت
مليت خلاص كتر الجلد
والمسرحية بالف صوت
ليه النهايه يابلد
القاني في قلب السكوت
ليها سياد ع الناس تدوس
والناس تيوس جنب الجاموس
والكل غافل عن حكاية ... اصلها
ان الصدى
جوه النفوس
***********
عمرو تمساح ابوسفيان
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.