هذه الكلمات المتواضعه علها تكون رسالة رحمه لشهداء الوطن
بقلمى الشاعر محمد غبن
شاعر آل غبن
1/5/2020
( شرع مين)
فى شرع مين يموت جنود
واقفه بصدرها بتحمى البلاد
هوا فيه كتاب سماوى قالها
تقتلوا ويبقى غايه و مراد
يروح جنود مساكين وقت
صيام الشهر وقرب الفطار
يسقي دمهم الذكى ارض مصر.
يصيب قلب أمهاتهم حرقه ونار
قتله جايه ومأجوره لا يعرفوا
ضمير ولا عندهم نية استغفار
وأشكال أسيادهم فى السجون
بتتعلف وصبحت زي البغال
يبعتوا بإشاره إحرقوا اليابس
والأخضر لجل المزاج يبقى عال
ونعرف الشعب وحكومته إن
لينا رجاله بره وإيدينا طايله
هنوقف البلد عن مسيرة نهضتها
ونقدر نخرب مافيها ونخليها مايله
إحنا اللى كنا أولي نكمل
حكمنا ياشعب يلي طردتنا
هنخليك تقول ياريت كنتم
حاكمينا ولسه عايشين وسطنا
======================
خلصتوا كلامكم ياللي عاملين
مسلمين دا انتم كفره مش مننا
كنتم هتبيعونا شويه شويه
وهتخلونا لأسيادكم عبيد كلنا
إنتم اللي خلقتم الأنانيه جوا
في أكبادكم وعندكم حب الذات
والدليل اهوا واضح مش مهم
مين يعيش ومين مصيره الممات
لو إحنا عارفين وعندنا ثقه
إنكم بتخافوا فينا ربنا
كنا ساعتها هنضحي
وهنقف معاكوا وقفة مرجله
بإيدكم ونواياكم الخببثه إنكشف
أمركم قبل ماترمونا فى المفرمه
مفرمة صهاينكم وتنظيمكم
اللى عايز يشتتنا ويقتل عزمنا
صدقونى لو فيه شوية دم
تنتحروا وتفارقونا وتغوروا عننا
وإولعوا أكتر ياأوغاد دى
بلد أنبياءه وهوا اللى حامينا كلنا
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.