وصيه
من ديوان/ سنين المخاض
للشاعر/ مصطفى فريد
ما دام نهاية الأجل تحت التراب راح انام
وأدفع لوحدى التمن حتى على الأحلام
ومادام قماش الكفن ما لهوش جيوب خالص
يغصبنى ايه اندفن وفى حضنى نار وآلام
يا أصدقاء كلكم وصيه من بعدى
ما حد يبكى على او يشكى من بعدى
ما دام حياتى انتهت ومرت الأيام
الفاتحة من قلبكم تآنسنى فى لحدى
محتاج لسورة ياسين صدقه على روحى
تغسل ذنوبى ويقين تشفى بها جروحى
وان كانت الايام عدت ومش فاكرين
سامحونى من قلبكم وانسوا غلط بوحى
أمانه ياللى ظلمتك سامحنى لاجل ارتاح
وان كنت مره جرحتك اغفر لى اى جراح
روحى بتصرخ الم من كتر أحزانها
محتاحة فى قبرها تسكن مع الارواح
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.