ياإبن بلدى
عبدالمنعم عدلى..مصر
ياإبن بلدى
وإبن خالتى
ياإبن عمى
ياصحبى ياحتة منى
قوم ونفض التراب
من على مخ العباد
وتعال و هات
إيدك فى إيدى
ويللى نحمى أنفسنا
ونحمى ولادنا وبلادنا
ونقول ياكورونا يكثير
أنا عندى رب كبير
أشكو إليه
وأرجع ليه
وأجعل الخطوة بحساب
والسؤال يكون على
مقداره جواب
د أنا المصرى اللى
بضحى بنفسى وولدى
علشان تعيش بلدى
واليوم جاء
دورك يابلدى
تحمينى وتحمى ولدى
فيارب بلدى
إحمى بلدى وولدى
عيب عليك
ياإبن بلدى
ياللى كنت زمان
إبن بلدى
جالس متربع
على كرسى النت
تنشر خبر وهمى
وبترعب أهل بلدى
خليك فاكر إن
بكرا مش ليك
بكرا جاى عليك
إلزم الصمت
ذى غيرك
وإوعى تسول
ليك نفسك
بأذى غيرك
ولاأذى بلدك
آاه عليك يابلدى
من كفن رايح
وكفن جاى
وكمان شهيد كورونا
وناس عايشه
ملهاش لزمة
بتعمل أزمه
سبحانك ياربى
قوم ياإبن بلدى
ويللى نحافظ
على بلدى
بقلمى عبدالمنعم عدلى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.