قلبك مشاع
من ديوان/ بيحسدوك على إيه
للشاعر/ مصطفى فريد
مين يقول ٠٠
تسقينى غدر ؟
وأرضى تطرح لك حنان
مين يقول تخونى قلب ؟
وهو يديكى الأمان
كان زمان يغفر يسامح
تزعلى يرجع يصالح
كان كتير ينبض كلام
رغم إختلاف الوجد كان
ينطق ومن قبل اللسان
أربع حروف
فى سنين عجاف
ألف ٠٠٠
وحاء ٠٠٠
وباء ٠٠٠
وكاف ٠٠
القلب خاف
لما حس الغدر
مرسوم ع الجفون
نكران وغش وكذب
وخيانة أمان
قلبى اللى صدق
حبك الملعون سنين
شبع خداع
مع كل يوم إحساس جديد
ساحب قلوبنا للضياع
أوجاع ٠٠ وداع
مطبوعة فوق كف الوجع
سكة ندم
لقلب باع صدق المشاعر
واختار لنفسه يكون مشاع
ومحطة للناس الجياع
وبفكرك ٠٠٠!
ما عادش للأيام رجوع
شبعت الأحلام دموع
رغم الألم ٠٠
مش باكرهك
ولا انتى لساكى فى خيالى
يمكن يكون قلبى البرئ
من طيبته تاه منه الطريق
فى بحر وهمك عاش غريق
لكنه رافض ينكسر
فيه الشراع
رغم الصراع
مايين حنان أداه لقلب
ضميره مات
إنتحر فيه الوداد
وقلب صان الود
واتحمل عناد
مليان غرور
تعبت من كثر السماح
وليالى بكاها الجراح
مسافاااااااات كتيييير
خدتنا لطريق مليان آهات
العمر فات
وماعاد يفيد
لقلوبنا حلم الذكريات
رغم الألم ٠٠
مش باكرهك
ولا انتى لساكى فى خيالى
يمكن يكون قلبى البرئ
من طيبته تاه منه الطريق
فى بحر وهمك عاش غريق
لكنه رافض ينكسر
فيه الشراع
رغم الصراع
مايين حنان أداه لقلب
ضميره مات
إنتحر فيه الوداد
وقلب صان الود
واتحمل عناد
مليان غرور
تعبت من كتر السماح
وليالى بكاها الجراح
مسافاااااااات كتيييير
خدتنا لطريق مليان آهات
العمر فات
وماعاد يفيد
لقلوبنا حلم الذكريات
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.