كبرت يا امي
وعرفت ان الحب انتي
كبرت وعرفت اد ايه حبتيني انتي
كبرت يا امي و خط الثلج راسي
ولسه بتقوليلي اعقل يا مجنون
بسمعها منك نغم حنون
كبرت ولسه في عنيكي ولد
رغم اني كبير في البلد
عارفه يا امي
انا من عيونك باخد المدد
ربي يحميكي يا ست الكل
واشوف الفرحه في عيونك
علي الدوام بتطل
مالك همدانه ليه
مين ح يقولي كل
مهما اكل تقولي دا اكل
ماتقومي يا ست الكل
عاوز اكل قلقاس
والا انتي تعبتي خلاص
بدعي لربي يشفيكي
وابوس رجلك واديكي
طيب مين
ح يشجعني على عمل الخير
مين غيرك
على كل ولادك له تأثير
قومي يا امي
نفسي في فطير
ابنك
باهي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.