(( إنتى غيرهم )) بقلم الشاعر الغنائى .. محمد البريمى ..

 

شعر غنائى ..
(( إنتى غيرهم ))
إنتى غيرهم يا حبيبتى .. إنتى غير كل اللى عرفتهم ..

إنتى الإخلاص و الوفا .. محدش يقدر يوصلهم ..

عيونك م شوفتش زيها .. لا ف جمالها ولا وصفها ..

دى عيونى غارت منها .. ونا أكتر منهم ..

إنتى غيرهم يا حبيبتى

إنتى عنوان الأدب و الذوق .. لما بأشوفك بالى يروق ..

و أحس إن طاير ف السما .. من كتر الشوق

كفايه أسمع صوتك الحنين .. يخلى الصعب قدامى هين

و يدينى الأمل ف العمر .. و ياخدنى من تحت لفوق ..

إنتى غيرهم يا حبيبتى

إنتى أغلى م الدهب عندى .. إنتى أغلى من روحى و عنيا ..

إنتى أحب و أعز الناس .. كلك طيبه و حنيه ..

إن قلت بحبك وأموت فيكى .. مش كتير يا روحى عليكى

إنتى تستاهلى أكتر من كده .. ونا علشانك أموت ضحيه ..

إنتى غيرهم يا حبيبتى

إنتى اللى شبكتينى بعطر هواكى .. مقدرش أتخلص منه ولا أنساكى

بعد ماشوفت فيكى شبابى .. بعد م شوفت الهنا وياكى

إنتى حلم عمرى الضايع من سنين .. إنتى بكره اللى جى بالورد و الياسمين

كل أشواقى ليكى و الحنين .. كل أحلامى ف هواكى ..

إنتى غيرهم يا حبيبتى

بقلم الشاعر الغنائى ..
محمد البريمى ..