قصيده بعنوان
(وصية لولدى؟!)
يا إبنى إبقى
زورنى لما أموت.
أوعى فى يوم.
جمعه تفوت.
هات معاك أمك
داديها خليها
تتعكز عليك.
واحده واحده
وحبه حبه.
وإفتكرنى.
عليك جريت.
إقرا لي الفاتحه.
وكام سوره صغيره.
وإبكى شويه
وسيب دموعك
شوف كام فى
عمرى عليك
سعيت.
وهوصيك وأنا
جوا قبرى.
خلى بالك من
إخواتك البنات.
هما من بعدى
أمانه فى رقبتك
للممات.
إياك تتكبر عليهم.
إنت كل حاجه
ليهم.
وإن طلبوك فى
نص الليل.
لا تتأخر
ولو دقيقه
وأوعاك تقول
الوقت فات.
بسرعه روح
ومن سكات.
وبلاش تعمل
عليهم راجل.
الحياة مش
بالمراجل.
لازم تكون
فى الشده
راجل ولو قالولك
يا أخونا هات.
إنت أخوهم
وإنت أبوهم
وسندهم.
بعد ربك.
يا إبن صلبى
قضيت حياتى
غربه وتعب
فى الليل أنين.
والنهار شقا
و آهات.
أمك عينيك.
دايره تجرى
تحت رجلك.
من قلبها.
لك تجبلك.
تقول ياماما
فى عز نومها.
بسرعه تصحي.
تطبط عليك
وتلملم غطاك.
وتسمى وتقول
إنت روحى
ما حد قبلك.
إنت عينى وإنت
نضرى وأنت آخر.
يا عمرى صبرى.
خلى بالك.
لا الدنيا تخدك.
تنسى نفسك.
وتعيش لوحدك.
وأوعى تفضل.
مرتك عليهم.
دول ياولدى.
شرفك وعرضك.
قطعه منك
لحمك ودمك.
وهايجى يوم.
تقرا كلامى.
هاتكون كبرت.
وبتعرف معانى.
وهاتفتكر كان
إيه زمانى.
كنت ساعى.
وكنت راعى.
وكنت أجرى.
أسبق الريح
فى ثوانى.
عشان أجبلك
حق الرغيف.
بنفس راضيه
حامده وشاكره.
كلامى ليك.
مره واحده.
ياريت.
حضرتك يا أفندى
تكون سمعت.
ولا أعيد وأوقوله.
تانى.
وصية لولدى؟!)
19/11/2020
ترنيمات وخواطر.بقلم)
خيرى حسنى..............)
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.