حالة شجن
حالة الم
حالة فراق
كتب القلم عنها حكايات
حكايات كتير متقسمه
بين دمع طفل
ودمع ام
بين ناس كتير
مستسلمه لليأس
وإن الفرح مات
وإن السكات
ويا الرفات
هو الحلول
الممكنه
لحظة شجن
ف كف ام بتتوجع
بفراق ضناها
عنهايوم السفر
فرحان ياقلبي
بالمغاره المظلمه
أحلامه بيه متأقلمه
ان السفر هو الوسيله
الَممكنه
وانه هيرجع بالدولار
معرفش انه ف وسط
نار 🔥
وإن ف الغربه المرار
سافر ياولدي
وأنا هنا ف الانتظار
لحظة شجن
لحظة دمار
بس استخبا
تحت الستار
سافر خلاص
إلى عقدت عليه
حمولي
وبقيت بطولي
ياصبر أيوب
ع الي جاي
لحظة شجن
لحظة عذاب
والله ف الغربه
الخراب
💕 عزه السيد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.