لساك قاعد ليه فى الدنيا
سنك قرب عالستين
قلت الموت راح ييجي فى ثانية
وانا منتظر مع المنتظرين
أيه اللي عاجبك فى قرفها
والله تعبت بقالي سنين
أيوه زهقنا وملينا منها
ربي اجعلنا من الصابرين
فيه ناس عايشه ومش فاهمنيها
ومن ذكر الموت خايفين
وفى ناس مشغوله بمفاتينها
وبأموالهم مشغولين
ياكلوا حرامها قبل حلالها
ومفيش حاجة تملى العين
مطمنين من غدرها
يكرهوا اللون الحزين
فاكرين هيخلدوا فيها
وكل عام معتمرين
وناس مابتطمن لها
على ربهم متوكلين
ورضا ربنا عندهم غاية
وبالقليل عايشين
وانا منتظر النهاية
وبحسن الختام راغبين
يرزقني ربي الهداية
بحق طه الأمين
وبحق القرآن الكريم
تشفعلي يوم الدين
ياخاتم المرسلين
(((أسامه جديانه)))
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.