من قصيدتي شكرا... كرونا)!!!
**************
شبح كرونا شئ مخيف
وطل بوجهه العبوس
عنتر وشامخ سل سيفه
وجاي يطهر النفوس
ويصب علينا المبيد
كانا عنده طرد ناموس
حبس انفرادي بالنهار
وليل طويل هم وكابوس
ياسي كرونا حبة مرونه
رده قاطع مفيش خلوص
وكل جبار انبطح
َ
وراح يدور مين يحوش
والنهارده تشوف نعامه
أمس كانت كا لطاووس
جاي يعلمنا الادب
ومن جديد قيام جلوس
واللي يخالف كله عارف
المصير ح يدوسه دوس
جاى وحالف ع التحالف
يمحي اسمه م القاموس
واتكممت كل المدافع
قدام لا شئ اسمه الفروس
واستيقظت فينا القلوب
واستوعبت أقسى الدروس
فكري هنداوي 💜 💜 💜 💜
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.