" كمل .. "بقلم محمدعلى النقلى

" كمل .. "

إن كان بشر .. 

واللا حاجات

لو كان كلام .. 

أو كان سكات

إن كان غريب ..

أو ليك قريب

عادي حتى .. 

أو شيء غريب

خد حلاوته ..

والباقي سيبُه

وإللي يسقط .. 

إياك تجيبُه 

وإمشي الطريق .. 

لحد الغايات

مين إللي فينا .. 

ما قالش آآآه 

ومين ما انكسرش ..

حاجات جواااه 

هو كده .. 

طبع الحياااااه 

تدي الثواني .. 

وتاخد ساعات

إن عشت ..

قصه مؤلمَه 

خليها ..

عليك .. متندمَه 

وخللي .. 

حكاياتك ملهمه 

للجاي .. 

و عدي عاللي فات

ها تنسى .. وتحلم 

وتضحك كتير

على حلم حاصرك .. 

خلاك أسير 

كمل حياتك 

وقوم .. و سير

ولا ترضى ابدا .. 

بالفتات

إيه يعني .. 

حلم راح ومات

إحلم كمان .. 

لغاية الممات

ولا تبكي يوم .. 

عاللي إنسكب 

مش ها تغير .. 

قدر إنكتب 

حلمك معاك .. 

هو الصديق

وخللي أملك .. 

نور طريق

يشق الضلام .. 

و امشي بثبات

حروف ..

محمدعلى النقلى

الحقوق محفوظه 

مسجله بالشهر العقاري و الحمايه الفكريه