بيغازل عيونى
*************
معرفش اذاى لما بنام
واقفل جفونى
ورغم عتمه الظلام
بتيجى وتشوفك عيونى
بالكمال والتمام
بدر بيغازل عيونى
ويحرم على عيونى تنام
وجاى بضيائه يعاكسنى
بالمغازله مش بالكلام
وجماله يغازل فى جفنى
أسهر جنبه واخاف انام
ل يمل من نومى يفوتنى
وان فاتنى بيجينى المنام
وبيحلف عمره مايسيبنى
واحلف ف الحلم ما انام
ولوصوت العصافير ينادى
من غير كلام يرحل اوام
وقبل ما تفتح عيونى
بيسيب لى ذكرى م المنام
والصبح يجينى يسألنى
احكيله الرؤيا والاحلام
اه منك يانبض قلبى
لما باأصحى أو بنام
مشغول بيه ودايما شاغلنى
وعلى رأسك تاج أو وسام
لما من ايدى بتاخدنى
أجمل حوريه جاتنى ف منام
نظرة عينيها نظره بتاخدنى
وامسك ايديها فى المنام
قبل ماتفتح عيونى
وأخاف اصحى من الأحلام
لتمشى وماتشوفها عيونى
م/محمد بدوى ابوالعلا
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.