دي نظرة عنيك واحشاني
وليا معاهم ذكريات واماني
ومهما تطول ليالي الغربه
استحاله في يوم تنساني
طالت ايامك يا شاغلني
و حنيني ليك ملازمني
وتملي ليل ويا نهار
قلبي عليك يسألني
عنيا ليك مشتاقه حياري
مجافيها النوم تملي سهارى
وطول الليل دموع وحنين
نازله فوق الخدود بغزاره
دي دموع البعاد حراقه
مسير العيون تتلاقي
تعوض ليالي البعد
ويا قلوب للقا مشتاقه
والاحزان تروح تنساني
وتسكن ما بين احضاني
وكل ما تبعد لحظه
اجرى عليك واحضنك
،،،،،،،،،،،،،،،،،،،،،من تاني
******************
كلماتي
/السيد محمود محمد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.