عايشه فيا
كل واحد ماشى يسأل حقه فين
ولا هو عارف حتى حقه عند مين
هى يعنى فيك تربى
وانت فى كروشك تعبى
وجاى تقول أنا الضحيه
أما والله إنك هفيه
اللى تاعبك دول ولادها
ملكش دعوه بيها هى
روح طالبهم روح بحقك
هى زايك كمان ضحيه
عينى عليكى يابهيه
ساكته وصابره عـ اللى فيكى
مهما كنتى عايشه فيا
-------------------------------
حد فيكوا ممكن يقوللى
هي ايه عيون بهية؟
أجمل صبية
الجمال طبيعي فيها
ربنا دايما حاميها
أجمل صبية م الصبايا
كل كلامنا عنها ليكوا
دا بس جزء من الحكايه
100 رواية بتحكي انك
تبقى أمى . وابقى ابنك
وان مهما بعدت عنك
انتى دايما نور عينيا
يابهية عايشة فيا
شاعر الريف
ياسرعيد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.