ماشوفتش أجمل من كده حاجب
أتغزل فيه بشوقي وهي تتعاجب
مخبي أيه عني الأحتياط واجب
كل ظنونك أنا ليها رافض شاجب
ولا خدودها ساكنه حدودها عناقيد
جمرة شوق تشوفها بعد سلام الأيد
ياني من حرماني بعد غيابها ناري تقيد
أكتب عنها و أقول مشتاق و أيه يفيد
ولا كمان أنفها في المسك نعسان
تحس أنها حبة لؤلؤ يمكن مرجان
أنفسها رحيق أزهار ولا عبير ريحان
وأنا بتنسم منها عاشق وكمان ولهان
ماتسألنيش عنهم بصراحه أنا خايف
أوصف منها جمال خلق الشفايف
زهر الكادي على حدودهم طايف
ولا نقائهم ماتقولش بحار و مصايف
ليها دقن ياربي عليها
طبع الحسن ساكن فيها
مليون حارس مني ليها
يارب لاحبابها تخليها
حسن سعيد إبراهيم
جمهورية مصر العربيه
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.