( شربات )
مقطوع من جنب الضلوع
وباين قميصك يا شربات
-----------------------
راكبك الهم وقرصك الجوع
ومده ايدك تقولى هات
------------------------
الفقر طاحونه دايره
وانت حايره
يا خسارتك يا ست البنات
-----------------------
المكتوب على الجبين
لازم تشوفه العين
قدر ومكتوب
مكتوب عليك انت بالذات
------------------------
لو عقارب الزمن ترجع
يارتها ترجع
وترجع اللى فا ت
---------------------------
ذئاب السكه السعرانه
عيونها زايغه سهرانه
ما تفرق بين دم ولا شربا ت
-----------------------------
فى ضلوعك الالام بتئن
وقلوب ما بترحم ولاتحن
ومكتومه فى صدرك اها ت
قلبى عليك ياشربات
-------------------------
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.