(( لو إنتى فاكره )) بقلم الشاعر محمد البريمى

شعر غنائى ..

(( لو إنتى فاكره ))

لو إنتى فاكره .. إن الفراق صعب عليا ..

هأصبر عليه و أتحمله .. ولا إن دمعه تنزل من عنيا ..

دا خساره فيكى الدموع .. سنين ونا ف حبك مخدوع ..

م تفكريش تانى ف رجوع .. و الندم خليه ليا ..

لو إنتى فاكره ..

لو إنتى فاكره .. إنى دايب فيكى دوب ..

و مافيش غيرك ف حياتى .. و عن حبك مش راح أتوب ..

لا لا أبدآ مستحيل .. أرجع تانى لعذاب وويل ..

خلاص نويت ع الرحيل .. لا عايز حب ولا يوتيوب ..

لو إنتى فاكره

لو إنتى مغروره بجمالك .. و ساحره الكون بعيونك ..

و مافيش ف الحسن مثالك .. أنا ح أخلف كل ظنونك ..

دا جمال خداع و خاين .. و الكدب فى عنيكى آهو باين ..

مهما عملت و سويت الهواين .. هو دا طبعك و لونك ..

لو إنتى فاكره ..

صحيح أنا حبيتك .. و بعت الدنيا عشانك ..

م فكرتش يوم أنساكى .. لكن الحظ آهو خانك ..

م عملتيش للحب خاطر .. طولتى الغياب ع الآخر

أنا مش مسامحك م الآخر .. روحى للى أوحالك ..

لو إنتى فاكره ..

بقلم الشاعر ..

محمد البريمى ..