وبتسأل ... ليه
****
وتسأل ليه الخير م الوجود خالى
آه ليه الظلم بالحياة حالك وحالى
ده عشان أشتريت الرخيص بالغالى
بتشوف الظلم تسكت تقول أنا مالى
خيبت فى العدل كل آمالك وآمالى
بكل حسرة وندم أرجع أقول تانى
الحق والعدل عاد بوجودنا أمانى
بكدا غاب ف الدنيا أمانك وأمانى
البركة تاهت عن مكانك ومكانى
آه خلاص بقيت بياعك وبياعنى
طب أمتى بس لله والحق تعود
لأمتى تفضل للظلم تملى مشدود
ربنا خلقنا بينا وبينه ميثاق ووعود
بنخلف ونخلف مفكرين لينا الخلود
العمر بيجرى بيجرى بسرعة ويفوت
ناسيين أن الإنسان أصله أبن موت
أن عمل ابن آدم كله عليه مردود
عايشين الدنيا بلامبالاه وكل برود
حضنا الدنيا وزهوها بدون حدود
عملنا بين المفاز بالآخرة سدود
خلاص البشر تاه عن كل الفلاح
وبتسأل ليه محدش فينا مرتاح
عايشين حياتنا فى عذاب وجراح
عشان معدش فيه بينا أى سماح
الوفا والحب خلاص ضاع وراح
****
بقلم
عادل جاد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.