(ب ايدك اكتب النهاية) كلمات/صبري حسين
بكلمها وانا فرحان
بقولها معاكي دقت الحنان
عشت الامان
انتي يا عمري السكن
قلبك ليا وطن
بصت عليا وعيونها كلها حزن
قالت اصحي من الاحلام
كفايك عيش في الاوهام
انت مين يا مسكين
انت كل اللي تملكه شوية كلام
بص بعنيك
شوف الدنيا حواليك
الكل بيجري للقدام
وانت واقف مكانك
العمر سرقك
الحزن ساكنك
الانين صوتك
الآه لحنك
اصحي يا مسكين
فوق من الاوهام
اصحي من الاحلام
الحياة مش بالكلام
انا مش هاكذب عليك
شايفة الصدق في عنيك
حاسه نبض قلبك
انا عارفة اني ساكنة عقلك
شاغلة كل تفكيرك
لكن يا مسكين
طريقي غير طريقك
انا عايزة اعيش الحياة
اني الاقي كل ما اتمناه
وانت ايدك قصيرة
انتهي عصر القلة والحصيرة
مابقتش لقمة صغنونة تشبعنا
وعصر العصفورة يقضينا
انا عايزة اعيش الحياه
بدور عن السعاده
طول عمري عايشة
حياتي سادة
نفسي تكون سكر زيادة
وانت مش معاك غير حبك
لا تملك غير نبض قلبك
انت ادمنت الحياة اللي من نسج خيالك
الخيال ملهوش مكان في حياتي
انا عايشة بعقلي
ياليت تفهمني
وتبعد عن طريقي
يارليتك تفهمني
وتخاف علي مصلحتي
وبايدك اكتب النهاية
واطوي صفحتي من حياتك
وانسي كل حكايتي
صبري حسين
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.