🌿🌿🌿😢 هي دي المفاجأة 😢🌿 🌿🌿
بتقوللي عامل لي مفاجأة طب قوللي واخدني لفين
ليه يابني عايزني فاجأة.......................ألِم الهدمتين
مش عايز ليه تأجِل......................ومُصِر كمان تِعَجِل
صبرك دنا مش هاطَوِّل أكتر من....................يومين
طب قوللي واخدني لفين 💔 💔 😢😢 💔 💔
مستعجل ليه قوام............................ ورافض الكلام
كل اللي فهمته منك 💔 😪 💔 تاعبك زَعَل المدام
واخدني عند إخواتك..............بتقوللي أقعد كام ليلة
لأ يابني بلاش وحياتك...........مش عايزة أبقي تقيلة
ماتسيبني لحد ماأموت...........وساعتها تعيش مرتاح
مش راح تسمع لي صوت..... لا مسا ولا حتي صباح
أيامي بقت معدودة .......... بس انت ماتستعجلش
دنا نفسي بقت مسدودة ............ بتمني ماتطولش
مش قادر يابني تصبر ....... دا مسيرك بكرة هاتكبر
وتشوف اللي انت عملته ....... وتدوق الشهد ممرر
أأقولك...... شِد رحَالَك ............ علي دار المُسنين
وديني وأمشي لحالَك .......... أعيش ويا المساكين
ماأنا زيِّ كتير عايشين 💔 💔 😢 😢 💔 💔
الشاعر 🌹 شرف الدين فاروق أحمد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.