الشعر يا صأحبي
انا مؤمن ان الشعر
مش مسابقة هايكو
ولا ومضة وسهرة فى سيجال
الشعر ياصاحبي بركان مشاعر
جوا الحشي على اللسان يتقال
وكلمة جميلة وغنوة حلوة
تتغنى على الربابة فى موال
ونغمة مكتوبة على نوتة متوزعة
بتقول انا هنا ديمة الوصال
ولحن رقيق بيتغنى مع المغني
بصوت البلابل حلو المنال
ورقصة بنوتة صغيرة فى سهرة
فى عيلة ولمة وسط العيال
وفرحة مليه المكان والزمان
ونسها مبسوطة وعال العال
و صبي مغرم صبابة ب صبية
منورة زى ماقال الخال
وحرف مضىء ونقطة على صفحة
بيضة بين السطور متشال
وتنهيدة وحس مرهف بنحسه
فى البعد مهما البعد بينا طال
وصورة وعصفورة على شجرة
مليانة صدق وعشق وخيال
وقمر فى ليل وشمس طالعة من
الشرق فى صبحية كلها جمال
ونسمة حرير ومركب بيطير
على موجة ماكان على البال
ونظرة عين كلها شوق وحيرة
جواها من الاسئلة الف سؤال
وبسمة على الشفياف بنحكيها
وساعات نداريها ليشمتوا العزال
ودمعة حزينة على فراق احبة
كانوا هنا وراحوا مع الترحال
وسنين عمر بنحسبها يوم بيوم
وكل يوم من حال ل حال
ادى الشعر ياصاحبي ال اتعلمته
من صغيرى ايه غير الاحوال
وبقينا بنجرى ب الكلمة والحرف
من غير مانحسها من جوال ل جوال
لحد ماراح منها مشاعرها الحلوة
زى شخليلة كل ليلة فى ايد طبال
ياريت نرجعلها احاسسها وعذوبتها
ونداوى جرحها ونلحق دمها ال سال
قبل ما نقول ياريت ونتحصر
وبعدين مش حينفع ندم
لو العود انقطع ومال
على ياقوت. مصر
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.