موش مسموح................... 2020/1/16
متقولش أن انت برىء
وان طبعك موش خوان
عمر الكدب ما اخدني صديق
الحقيقة في يوم بتبان
كنت مصدق اني العاشق
في الكون لأجمل انسان
عشت الحلم بصدق راشق
في القلب وكل مكان
لما في يوم هل علي
أصعب خبر كالبركان
معقولة القلب اللي مني
صدقه يطلع خبر كان
اول مرة أصدق اني مصدقش
واقرب حد ما اعطيله امان
لما لحبيبي بقيت مفرقش
صبحت ضحكتي مليانة احزان
اخرج برا حطان الحب
صورته بهتة بدون ألوان
معقولة العمى ملاك يا قلب
انت بنظري محتاج احسان
مبسوط الوقتي لما ادمرت
وخدتني معاك في الرجلين
اقولك سيبه تقولي غرقت
اهو سابك والدمع عالخدين
لسه جي تقولي برىء
وتلعب تاني عالوتر الحساس
لو أصدق اعيش حريق
و ميت مرة قلبي ينداس
وجع الضربة كان كارثة
أكبر صفعه جت عالراس
عسلك المر شبعني بكاسه
لكن الكأس كسرتة خلاص
وحدة واحدة اخرج من كدبك
اداوي لنفسي اي جروح
أعيش نفسي على نفسي عبء
لكن لرجوعك موش مسموح
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.