نفسى تيجى و تعاتبنى بقلم الشاعر .. محمد البريمى

شعر غنائى ..

(( نفسى تيجى و تعاتبنى ))

نفسى تيجى و تعاتبنى .. و نشوف مين فينا الغلطان ..

إنت ولا أنا .. و لا قسوة الحرمان ..

و إن طلع الحق عليا .. مش هرحم دموع عنيا ..

دا إنت كل اللى ليا .. و إنت الحكم و إنت السلطان ..

نفسى تيجى و تعاتبنى

أنا غلط معاك ف إيه .. قولى ونا قابل العتاب ..

علشان تحملنى ذنوب كتير .. بدون أعذار ولا حساب ..

قولى بصراحه و م تخبيش .. حبى لوحده م يكفيش ..

ولا هوايا م يسليش .. ولا قلبك عنى غاب ..

نفسى تيحى و تعاتبنى

إشمعنى قلبى بيسامح .. طول عمره و ينسى الألام ..

قلبى اللى صاين ودك .. و باقى على حبك و الغرام ..

لا يوم إختلف وياك .. كان تملى عاشق لهواك ..

و يحايل فيك و يترجاك .. و عيونه لا تهدى ولا تنام ..

نفسى تيجى و تعاتبنى

بقلم الشاعر ..

محمد البريمى ..