بعد التحية والاحترام
من غير سلام
هنقول كلام
غير الكلام
للي بيفهم
واللي عامل نفسه يفهم
واللي ما داق طعم
العلام
،،،،،،،،،،،،،،،،،،
اما بعد .
بعتذر اني
بدأت بدون سلام
اعذروني لأني
جاهل وان جهلي
ليس مني
او لأني كنت
كاره للعلام
مليون سؤال جوا
مني
والضباب غطي سمايا
بدر شراعنا ف الظلام
مجبور وعايش
غصب عني
والغصب عني
ظ و ميم من بعد .. ل
ولو شكيت المظلمة
ف المحكمة
عنكب خيوطه محكمة
للمظلومين ع الدوام
انا الواحد ما بين ملايين
المطحونين
مغمسين طعم الشقا
بالمرار من الايام
واللي بقيِ واللي بقاَ
في ناس ايديها مزوقه
ومروقه بسم السلام
تبكي ساعات
تنعي ساعات
ف البرامج
و التليفزيونات
والاعلانات
قلبت نواح
قرود ياعم مسلسله
متسلله جوا البيوت
والصدر ناح
من جيوب منفخة
بالبنكنوت
والصبر ساح
من دمنا بقا
دا اسمه كلام
يا ولاد التيت
فاكرني عبيط
بحبة ورق
فيها شخابيط
راح اغني وازيط
وامدح فيكوا
وف اهاليكوا
وعاوزيني انام
دا حتي حرام
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.