حديث القلب مع النفس
****&****&****
ياما خطاوى طويلة معايا مشيت
وقلبى عشق واتعشق لحد ما على بر رسيت
وعشت اجمل سنين عمرى
فى عشى الجميل وفيه انزويت
واتغير واتبدل حالى ومشوار عشقى نهيت
بعدما ذقت العذاب وبلهيب الحب انكويت
وانجرح قلبى والدمعة فرت ممن هويت
و صعب عليه حالى وما رضيت
مش حندم على ماضى وأقول ياريت
راح لحاله زى ما اتبدل حاله وشقيت
قلت امشى وادور فى كل شارع وبيت
عن قلب كان لى عاشق وعنه اتلهيت
وفى سلة ذكرياتي الماضى رميت
ومع عشق جديد قلبى احييت
انا خلاص صفحة الماضى طويت
ومع عشق جديد مشوارى ابتديت
وادينى حكيت حكايتى لنفسى ورويت
وقولت له انا من تانى حبيت
معاها نفسى وقلبى لقيت
والاحزان من قلبى محيت
****&****
سمير بحر
****&****
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.