الحكايه مش شهاده
ولا الحكايه تشتهر
ولامشاعرتنكتب
واخرتها حبه ورق
الحكايه تعيش مشاعر
تعزف مشاعر
تتنفس مشاعر
وعشان تبقي شاعر
اياك تستهتربقشيه عايمه
يمكن تنجيك من الغرق
-------------------------
باختصار بدون مااغوط في الكلام
هي مشاعر
تتحس يمكن
تتعاش ده برضو ممكن
مش شهاده
ولا تنهيده قلب حاير
بيحلم بساعه سعاده
ولا ملاك صغير في ايده سهم
ولا دمعه حايره فوق وساده
هي مشاعر
قدر ومكتوبلك تعيشه
حلم وموصوفلك تحسه
حتي ولا فيها الشهاده
تفرق كتير انك تكون
متشبع حنين
وأنك تكون شاعر بجد
مش حرف حب في كلمتين
تفرق كتير انك تكون
مشاعربس ملفوفه بحروف
وأنك تعيش كل الاماني
تتحدي الظروف
تعرف تعيش كل المشاعر
من غير ماتتستربخوف
الحكايه وبساطه
المشاعر مش محتاجه تهتف
أو وساطه
المشاعر انك تقول كل الكلام
جوه المشاعر
انك تعيش وتموت
ويقولوا ده كان طير وطاير
عاش بشعره
ولقبوه ملك المشاعر
واكتب وصيه واهدي حروفك
مرسومه بقلب
منقوشه بحب
واكتبوا العنوان
شاعر عاش بالمشاعر
احمدعبدالحق
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.