قولي اي حاجه
غير انه كان في الاصل حب
قولي كان طيش وعدي
ماليش في المعنده
لو كل الغرام زيك
اعتبري اني اتخلقت
بدون مشاعر
بالبلدي مااملكش قلب
قولي اي حاجه
قولي يمكن عيش وملح
احسن ماتقوليلي
خلاص ياروحي بح
ولا هنقضيها اهانه
كل جرح قصاده جرح
بس امانه عليك
اوعاك تقولي حب
قولي كان حلم وحلمته
كان وهم
حتي لو قلت غم
بس اياك تقولي حب
بكده يمكن بكدبك
تشيلني ذنب
قولي استلطاف مشاعر
حتي قولي شاعر
حتي لو قلتيلي كلب
بس امانه اوعديني
اوعي تقولي اللي بنا
كان اسمه حب
ولا اللي بين ضلوعك
دم وشريان وقلب
اصلك مولوده باهانه
ورضعوك لبن خيانه
ولماجيت تحب كنت
ارخص من حتة لبانه
عارفه كل ماافتكر الخيانه
بحتقر قلبي اللي حبك
وبالامانه
بحتقراحساسي اللي شايفك
هو يعني كان لزمك خيانه
ماانت في الاصل خاينه
هو لازم تولعي في القطه
وتنزليها الغيط
ولا لازم عشان احسك
انك تعشقي مساخيط
ابدا والله ياخايبه
اخرة الميت صويت
واخرة عشق الكلب
انه يعشق جنب حيط
قولي اي حاجه
اقولك متقليش اي حاجه
يكفيك كلمه ياريت
دوري علي واحد ستاره
واحديكون عيل عبيط
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.