القلم مشتاق
ــــــــــــــــ
بايدى القلم مشتاق
وطعم الفراق حراق
نطق القلم زعلان
يا خسارة ع الاخلاق
فين الصحاب واللمه
كانت رجولة وهمه
دلوقتى غاب الأصل
والرحمه ع الزمه
كتب القلم احوال
وعاد كلامه وقال
فى ناس تحب الخير
وناس تهد جبال
ليه الحبيب والخل
مليان بحقد وغل
يمسك على الوحده
والكلمه منه تشل
غيرنا من نفسنا
عدت سنين مش سنه
نفضل نقول ونعيد
وراح يا ناس حسنا
بايدى القلم مشتاق
وطعم الفراق حراق
نطق القلم زعلان
يا خسارة ع الاخلاق
بقلمى
احمد عبدالله الاسيوطى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.