وبتنفس كأني بموت
النفس طالع بأوجاعي
والدمع راسم ف
وشي خطوط
والفرح زي الجرح مش واعي
الناس تشوفني بتبسم
يقولوا سعيد ومتهني
ميعرفوش اني بتألم
والدمع ع الخد مستني
والضحكة رافضة تتكلم
والحزن ع الجرح
بيغني
ياحته مني
لمين تاني هغني
ياللي عليك
انا باقي
بعد الالم كما سبحة
ف فراقي
وكل ماتخلص
اعدها تاني
وحب الرملة
اشواقي
وانا من بعد الفراق بلا مأوي
وسواد ليلي
ع القمر بيستقوا
وف بعدك
ضعفي علي
الفؤاد اقوا
نفسي اقول
الاهة مش قادر
وانفاسي جوا
صدري بتعافر
وصوت البعاد
كمان كافر
وانا بإيدي ايه اعمل
وانا ما اقدر اتحمل
بعادك حتي لوثانية
ارجع نفسي اعيش
تاني
ماتسيبش نار الفرقة
قتلاني
بعتذر اني من غيرك
طول العمر وحداني
بقلم/محمد الشيمي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.