يا عم يا بخيل
بص كدا لنفسك
الخلق فى التنعيم
وانت حرم نفسك
مصالح فيها تبديل
وانت الجميع زبلك
فاكر الحياة تخزين
وكل الوحوش أهلك
لا يهون عليك مليم
تبسطبو مين حبك
المعدة زى البير
غطسان فيها أكلك
الحلو فى التساهيل
فرح قريب خالتك
ومداس بقالو كتير
اتهد من نحتك
والهدمة بقت شراشيب
زهقانة من رحتك
لو قالو هات مصاريف
تلطم على خدك
ولو طلت دم شريف
تشرب ولا يهمك
كل حاجة توفير
مين اللى هيودك
واللى خزنته سنين
هيخده من بعدك
اللى حرمته سنين
وصابر على بخلك
........وائل سعيد......
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.