رباعيات الأحزان (( السعادة ))
( للحزن في قلبي مكان )
السعادة ☆☆☆ مش بعيدة
أحنا تايهين عنها
كل لحظة ☆☆☆ تفوت قريبة
وأحنا خايفين منها
السعادة ☆☆☆ هي لمة
وضحكة من جوه القلوب
وابتسامه ☆☆☆ طفل صافية
والسما وقت الغروب
السعادة ☆☆☆ مش بعيدة
أحنا تايهين عنها
كل لحظة ☆☆☆ تفوت قريبة
وأحنا خايفين منها
السعادة ☆☆☆ نعيش ونرضا
والرضا سر الحياة
لو تديق ☆☆☆ بكره هتفرج
مش هيبقى كله آه
السعادة ☆☆☆ مش بعيدة
أحنا تايهين عنها
كل لحظة ☆☆☆ تفوت قريبة
وأحنا خايفين منها
السعادة ☆☆☆ مش ملامح
تبقى باينه في الوشوش
السعادة ☆☆☆ أبقى لامح
لهفة القلب البشوش
السعادة ☆☆☆ مش بعيدة
أحنا تايهين عنها
كل لحظة ☆☆☆ تفوت قريبة
وأحنا خايفين منها
السعادة ☆☆☆ لما نشقى
والعرق يملا الجبين
كل حاجة ☆☆☆ هتبقى أحلى
والإيدين متجمعين
السعادة ☆☆☆ مش بعيدة
أحنا تايهين عنها
كل لحظة ☆☆☆ تفوت قريبة
وأحنا خايفين منها
السعادة ☆☆☆ انك تضحي
لجل ما غيرك يعيش
علي الجراح ☆☆☆ والشوك تخطي
والآلم ما بتنتهيش
كلمات الصدق
فارس الليل الحزين
محمد عطيه محمد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.