العين الحمرا
0000000
أبوك عشان راجل قوي ...ماسابش ليك آى إختيار
رافض تكون إنسان سوى.. أو حتي يبقى ليك قرار رافض يكون عندك شجاعة . وفاكر إن الجبن طاعة رباك عشان تسمع كلامه ...... وتقوله حاضر ليل نهار
ماسابش ليك أي إختيار
رباك علي كلمة تمام .......... وإياك تقوله في مرة لأ
واحذر تكتر في الكلام .....أو يوم تقول أنا ليا حق
وف كل ثانية فيه ........عقاب
من غير سبب من غير عتاب
الود دايما................... يتمنع
حتى الكلام بيتسمع بدون حوار
ماسابش ليك أي إختيار
....
رباك علي إنك تكش .............خلاك تعيش دايما تغش
خلاك ما بين الناس تكون من غير ضمير وبألف وش
ولما أبوك ضهره... إنتني
وعوده ميل...... وإنحني
إحتاج ساعتها ..... للضنا بس الضنا عاش في إنكسار
ماسابش له أي إختيار
شاعر الجنوب/ شرف الدين فاروق أحمد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.