عيد سعيد لعمال مصر
قصيدة عامل
============
عامل ودراعى ثروتى
وشغلى بشتغله بصحتى
انام مهدود ومتلاح
مع الصباح ترجع لى عافيتى
===
يامه طلعت ادوار وانا شايل
ويامه اشتغلت على سئايل
تشوفنى العفارمغطينى
وفى رزقى بدادى وحايل
====
يـــــــوم دمـــعى سايل
ويــــــوم الــــهم شايل
يارب ابعت لى شغلانه
تعدل بختى المايل
===
الشغل عـــــــنى ممنوع
وصوتى واطى ومقطوع
غولب منى السكات
وبدارى الحاجه والجوع
===
من يومى بالشاقه موعود
وعلى جبينى الاسا مولود
لامسئول يوم حاسبى
ولا نشف دمع الخدود
===
يا مصر ليه مش شيفانى
انا ابنك ولا انتى نسيانى
خيرك ليه موسلنى
ودأما يا حببتى ظلمانى
================
الشاعر مصطفى عبد المجيد
من دوان مظليم بلادنا
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.