جوايا ناى
الشاعر/ مدحت عطية
تعبت من الحزن
وعلم فيا
زى الزمن
ما يسيب شقوقه
على الحيطان
والأرض أهى تحتية
عنيده .. ماسكة
فى جرية .. حصان
أجى أصرخ
صوتى ما بيطلعش
أجرى .. أهرب
رجلى مكانها
مابتترفعش
إلـ أحبه
يعدى .. مابيرجعش
وإلـ أرتاح فى وجوده
أنادى عليه
ودنه تقيلة
ما بيسمعش
كل ما أفك
قيد
الاقى .. قيود
ألمح براح
وأيد
وراها .. حدود
أعافر أعدى النهر
ألقى أخره سدود
وإستنى النهار
القى عيونه
سود
جوايا ناى
جواه .. جواى
بيقول زي الآه
وغناه .. يشبه غُناى
جوايا ساكن
ناى
نايم فى ضحكى
وصوته
طالع ويياى
لحظه ما أخطى
كأنه جاى
ولحظه ما هل
تلقاه معاى
مدحت عطية
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.