إبكى يادنيا
عبدالمنعم عدلى..مصر
إبكى يادنيا معايا
على اللى مبكاش
عليا فى محنتى
وقول له يادنيا
ساعة مماتى
وفر دموعك عليا
أنا الباكى على نفسى
ومايلزمنى بكاءك
أنا الفقير ماشى وحيد
وصدقنى
ساعة مماتى
هتقول والله
ماسمعت عن
أحد مات
وأنا اللى كنت
معاكم فى الأفراح والأحزان
وماهان عليا
أروح بعيد
وأقول ماسمعت عن الممات
خلاص يادنيا خلاص
وفرى دموعك
العمر راح فى
آهات على الأخرين
يادنيا ناسك غدارين
وليهم مصالح عند الأخرين
حتى لو كانوا
ساكنين رحم الأمهات
خلاص يادنيا خلاص
راح اللى راح
ماعاد فيك بكاء ولانواح
بقلمى عبدالمنعم عدلى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.