إنتفاضه
🧟♀️إنتفاضة🧟♀️
راح فين ضمير الأمم
ياللى حيائكوانعدم
حسرة على عالم
ساكت سكوت الصنم
يامجرمين
يامفسدين
ياتجار السلاح
ياصناع الجراح
لساكو ماشبعتوش
من دم السوريين الغالى المستباح
لسه فوق الدموع
رح يمشيلكم قدم
راح فين ضميرالأمم
***
الحق مش عليكو
الحق ع المسلمين
اللى ف بلادنا سابوكو
بسلاح رايحين جايين
رافعين ليكم علم
راح فين ضمير الأمم
***
سوريا عايشه فى ضيم
من بعد دمار أليم
بأه فيها طفل يتيم
وشاب مش سليم
وكتير بره الحدود
من حضنها اتحرم
وبيت كان عش ناسه
عليهم اتهدم
راح فين ضميرالأمم
***
سوريا مش ناقصه تانى
دموع ودم وخسارة
دالكل فيها بيعانى
ياللى قلوبكم حجاره
كفايه حزن وألم
الحرب مش سيجارة
تشعلها وتنسجم
راح فين ضميرالأمم
إنتفاضة
شاعرالإحساس
رضاعبدالحميد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.