( الدرع والسيف )
يا طرحه شعرك فوق ضفاف القنال
يا ام الضفاير مدهبه زى حبات الرمال
يا ام عيون خضره وقلب مليان با الأمال
حلمك اتحقق بعد طول صبرك
والشاطر بسيفه جبلك يا ست الكل حقك
وقالك لازم أجيب بقيت حقك
انا أبنك---انا اللى حضفر يا حلوه ضفيرك
هاخليكى حلوه مافيش حد يبقى زيك
يا طرحه شعرك فوق ضفاف القنال---يا ام الابطال
عدوك بتحداكى ويتحدانى
بيقولى انتصارك عليه انت وهيه--ده شئ محال
وواقف ليكم هنا على القنال
من يومها يا طرحه شعرك مابنام --ولا بيهدالى بال
والشاطر بسيفه ودرعه جبلك ضفيرك
أخد بتارك وقالك يا امه انا أبنك
انا اللى لميت شعرك وعملتوا ليكى ضفاير
سبقت روحى وقلبى من الفرحه طاير
لما ضفرت ليكى تانى الضفاير--وحا ضفر ضفيرك
حاضفر وضفر لما يبقوا طوال
وتطرحيهم تانى بعزم الرجال
#خواطر على ابو المجد
سباق.. مصر.. الأسماعيليه
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.